|
Algúns homes insultan, abusan ou desprezan ás mulleres.
Non obstante:
Pódese cambiar a actitude agresiva.
Pódense aprender outras formas de relacionarse.
“Abramos o Círculo” é un programa de atención psicolóxica especializada e de apoio, financiado por Vicepresidencia da Igualdade e do Benestar da Xunta de Galicia, e dirixido a homes que adoptan actitudes inadecuadas nas relacións coa súa parella, coa súa familia, co seu círculo social e desexan adquirir novos modos de comportamentos exentos de agresividade.
O programa ofrece dúas áreas de atención:
-Información.
-Atención/intervención psicolóxica personalizada.
OBXECTIVO
Ofrecer atención e terapia psicolóxica a homes que queiran aprender a resolver conflitos sen violencia e a comunicarse mellor coa súa familia e coa súa parella.
REQUISITOS PARA ACCEDER AO PROGRAMA
O acceso é gratuíto e anónimo, e faise poñéndose en contacto co seguinte teléfono:
630 170 140, de 10 a 13 horas e de 16 a 19 horas.
PERSOAS ÁS QUE SE DIRIXE
Homes con problemas de control da violencia que desexen:
-Aprender a resolver conflitos sen violencia e a comprender a natureza da violencia.
-Relacionarse coas mulleres con respecto e igualdade.
-Educar aos seus fillos e fillas en igualdade.
-Asumir hábitos positivos de relación e convivencia.
MÁIS INFORMACIÓN:
Vicepresidencia da Igualdade e do Benestar
San Caetano, s/n
15781 Santiago de Compostela
Tfno.: 981 957 699
Colexio Oficial de Psicoloxía de Galicia
Espiñeira, 10-Baixo
15706 Santiago de Compostela
Tfno.: 630 170 140
|
Colexio Oficial de Psicoloxía de Galicia
