COMISIÓN DE PSICOLOXÍA DO DEPORTE

Coordina a información: Eva García Quinteiro

COMPOSICIÓN DA COMISIÓN

Mª Dolores González Fernández, Coordinadora
Cristina María de Francisco Palacios
Eva Mª García Quinteiro
Graciela Lois Río
Rut Otero Triñanes
Julio Manuel Prol Bao
Mario Salvador Fernández
Delfina Vicente Santiago
Iria Salvador Pérez

¿QUE É A PSICOLOXÍA DO DEPORTE E A ACTIVIDADE FÍSICA?

A psicoloxía do deporte e o exercicio físico é o estudo científico das persoas e a súa conduta no contexto do deporte e a actividade física.

¿EN QUE PODE AXUDAR A PSICOLOXÍA DO DEPORTE?

En liñas xerais a psicoloxía deportiva pode axudar a:

- Optimizar o rendemento deportivo mediante o adestramento de habilidades psicolóxicas implicadas na actividade física e no deporte (motivación, atención, autoconfianza...).
- Orientar e asesorar a técnicos/as e responsables do deporte base e iniciación.
- Deseñar e aplicar estratexias psicolóxicas para o mantemento e modificación da actividade física e deportiva.
- Asesorar na xestión e dirección de entidades e instalacións deportivas.
- Formar a técnicos/as, monitores/as, adestradores/as e demais persoal vencellado coa actividade física.
- Axudar a establecer un clima adecuado para a práctica deportiva...

¿CARA QUE DIRIXE O SEU TRABALLO?

- Deportistas.
- Adestradores/as.
- Árbitros/as e xuíces/zas deportivos.
- Pais de deportistas.
- Directivos/as...

ÁMBITOS DE ACTUACIÓN

- Deporte de rendemento.
- Deporte de base e iniciación deportiva.
- Organización de entidades deportivas.
- Arbitraxe e xuízo deportivo.
- Actividade física, exercicio e saúde.
- Poboacións especiais...

REUNIÓN COA DIRECCIÓN XERAL PARA O DEPORTE DA XUNTA DE GALICIA

A Decana do Colexio, Mª Rosa Álvarez Prada, e a Coordinadora da Comisión de Deporte do Colexio, Mª Dolores González Fernández, mantiveron unha reunión co Asesor da Dirección Xeral para o Deporte da Xunta de Galicia, Xosé Antón Fernández Rojo, co obxectivo de presentar o traballo da Comisión e favorecer liñas de actuación conxuntas. Para elo acordouse elaborar un protocolo de colaboración no que se recollan, entre outras, a posibilidade de realizar cursos de formación para adestradores/as e técnicos/as deportivos/as, a divulgación do rol do/a psicólogo/a do deporte e a recomendación de contratar a psicólogos/as especialistas na área.